За конкурентноста на пазарот денес е пресудно користењето на технологијата и градењето на иновативен бренд кој оди во чекор со времето. Сепак, за да се обезбеди долгорочна позиција во иднината, потребно е да се инвестираат значителни средства за да се биде пред времето – ова е клучната порака од панелот посветен на бренд конкурентноста, одржан во рамките на „Brend Forum 2025“.

Во време кога пазарите се менуваат со голема брзина, се отвораат прашањата за тоа како да се осигура силата, релевантноста и пожелноста на еден бренд.

Панелот понуди одговори на следните клучни теми:

• Како да се опстане во услови на пазарни промени, алгоритамски трансформации и брзи измени во навиките на купувачите?
• На кој начин традиционалните бизниси се прилагодуваат на новите технологии и зошто брендот денес е поважен од кога било претходно?
• Што го прави еден бренд конкурентен во 2025 година и како се гради доверба во дигиталната ера?
• Дали носталгијата може да се користи како деловна стратегија и како вештачката интелигенција (AI) ги менува односите со потрошувачите?