Успешното реализирање на Вториот форум за франшиза 2026 – „Како до франшиза!“, кој се одржа на 10-ти јуни (Меѓународниот ден на франшизата), доби исклучителна вредност благодарение на поддршката од клучните институции во земјава.

Упатуваме огромна благодарност до Даниела Димовска, директорка на Агенцијата за иновации, научно-технолошки развој и претприемништво (ИНОВА), за нејзиното инспиративно учество како гостин говорник во кој ја истакна целосната отвореност за соработка и поддршка на претприемништвото преку франшизниот систем на работа.

Препознавањето на франшизингот како моќен модел за брз, безбеден и иновативен развој на бизнисите од страна на ИНОВА, дава силен ветар во грб на целата деловна заедница и отвора нови можности за младите претприемачи кај нас.

Ваквото партнерство помеѓу институциите и бизнис секторот е клучниот двигател за градење на посилна и поконкурентна економија. Благодариме за визијата и поддршката!